LI-SU PHA: THI: RO ( A-S ) USA KW DO.. JE M

NYI. NYI 2013 KHO; 5 V., 20 NYI THAE: MALAYSIA KW BE LI-SU RZA: LAE. THI: RO USA-. MINNESOTA SATE KW  DO.. JE W=
YI. MYEW.. NY A-S  ( Zaw Bawk) NGA LO= A-S NY B7., YI., Mn: KW TY SU NGA LO= YI. NY 2009 KHO; 10 V., THAE: Malaysia KW CHI L SI  2009 KHO; 12 V., THAE: "UN" M7., LE M NGA LO=
A-S NY NI: GU.. SI.. GU V., LEW., CEW, KW BE Malaysia KW SI WU-S TAE V., LEW., L SU THI: RO NGA LO= YI. NI, M.. NAE.; KW YI. KHU.. KHU.._ M N., Xn: JO_ LO= USA KW NI, M.. KH7: N.. K, LO= A-S BEW EI: W KHU J=

LI-SU THI: RO ( John Zaw ) USA KW DO.. JE W

MU-GO KW TY M JOHN SAW NY 5 V., 15 NYI THAE: MALAYSIA KW BE USA KW DO.. JE W= JOHN SAW NY 2009 KHO; 8V., THAE MALAYSIA KW CHI L SI GO., THI: V., KW TI. "UN" MEI., LE M NGA LO=

MOTHER'S DAY PAI: YE KOE... M

NYI. NYI 2013 KHO; 5V., 12 NYI THAE: MALAYSIA KW TY M LI-SU BU THI: NI, THI: W.,; ZI; LAE KHO SI " Happy Mother's Day" PAI: YE W LE W=
ZI; DU HO: SU NY M. PHA: Z-KO NGA LO= M. MI: C.. SU NY M. PHA: BY YO-SOE NGA LO=
PAI: KW M, M BU  ( 70 )RO CHI ZI; CHI L_ LO= THEW M NAE.; KW 55 KHO; THAE: SI JO_ M M, M (7) RO DAE, LO=
PAI: KW DU KW M, M BU TAE LAE; XU G7:_ M BE W KHU J_ M YE W LEO=

USA KW LI-SU (4) RO DO.. JE M

NYI. NYI 2013 KHO; 5V., 7 NYI THAE MALAYSIA KW BE LI-SU THI: vi., (3) RO USA KW  DO.. JE W=
YI W NY PUTAO KW TY M A-D7 MARK BE MEI-JI-N KW TY M A-S BE YI. W A. BI., YO-7 BU NGA LO=
A MEI., YI W THI: VI., SU DO.. JE_  M NY USA-. VIRGINIA KW NGA LO= A-D7 NY 2009 KHO; 7V., THAE:  MALAYSIA KW CHI L SI 2009 KHO; 8V., THAE:  "UN" MEI., LE M NGO= 2010 KHO; KW NY VI., SI.. M RU., KOE.. SI 2011 KHO; KW NY RZA NEW THI: RO MEI., LE M NGO=

 5V., 2 NYI THAE: NY B7.,-YI., MUE: T-CHI-LE; KW TY M JY-KHE NGA MI USA-. COLORADO KW DO.. JE W=
JY-KHE NY 2009 KHO; 8V., THAE: MALAYSIA KW CHI L SI-. 2009 KHO; 10V., THAE: "UN" MEI., LE M NGA LO=

MU GW GW.. PHA: TUN TUN CO.. L M

NYI. NYI 2013 KHO; 5V., 5 NYI THAE: MU GW: GW.. PHA: Tun Tun ( IC) MALAYSIA LI-SU W KHU VI., KW L W=
YI. KW BE MU GW: GW.. M. NYI-. M. MI: KW BE SAE; GEI: NYI YE W LEO= YI NY KO. L M VY; NYI KW NY IRON CROSS KW MU GW: GW.. SU-. LU-MI MUE: KW MYEW.. DO: JO SU THI: RO NGA LO=
K. NAE. NY THII: MUE: THI: MUE: KW JE SI NYI WU-S M. MI: SAE; GEI: TY LO= THEW THI: HW, MALAYSIA KW CHI L M V., B., THI: M., CHI JO LEO= A MEI., 9 NYI KW NY THAILAND KW NGA LO=
NYI. NYI YI KW BE SAE; GEI: L M NY "WU-S TAE XEW. GEI: KU.._ M RZEI.. VY; NYI BYEW; L N, M-. A THAE:  NG AMI YE-SU NAE.; KW SAE. TY N, M" THEW., LEW BE 1 Jn, CHI SAE; GEI: L LO=

Sunday School DVD MU GW: KW. XY, TY M

MALAYSIA KW TY M LI-SU KHU-ZI-TSO KW BE SUNDAY SCHOOL MU GW: KHW. THI: M XY, TY LO=
MU GW A Jn: NY 12 C3, NGASI MU GW: YI. Xn; NGA LO= LI-SU BE LU-MI MU GW NGA LO=
MU GW: NY LU: DO.. LE SI A M7 VEDIO NGA MI D7: DO.. LE W= A M7..  Vedio Addict ( XY, T3,)  TY LO= THEW 5V., YI. KHU: KW NY YE DO.. LE DU NGA LO=
SUNDAY SCHOOL MU GW KHW. THEW M M7., NI, Xn.. NY PHONE KW BE NGA NY EGAMIL KW BE J LV KHO LV= NU W A Xn: Mn: KW TY NGA MI V., FU L DU NGO=

CONTACTS:
(1) M. PHA: Joseph Bya
Phone: +14 6200411
Email: lisubya@gmail.com

(2) M. PHA: Zar Ko
Phone: +126353861
Email: zarkonaw@gmail.com

M. PHA: MAUNG-NGE CO.. L M

MU-GU LO.. PHEW KW WU-S MYEW: YE TY M M. PHA: MAUNG-NGE NY KO. L M SI.. PHA:
VY; NYI ( 21.4.13) THAE MALAYSIA LI-SU W-KHU-VI KW M. MI: C.. L W= YI. THI: VI., SU-. YI RZA A-T BE CUE; M A JUE: NY (4) RO NGA LO=
YI NY NYI. NYI 4V., 23 NYI THAE: LU-MI MUE: KW L: JE W=

JAPAN KUOE; Jn: SU CO.. L M

A: MI., 2013 KHO; 4V., 21 NYI THAE: JAPAN KUOE; KW BE CO.. L,_ M Jn: SU ( Government representatives) (6) ro Malasyai KW TY M Kachin community  TAE TEW, NYI L LO= MO; LO.. 3:30PM KW BE 7:00PM KW CHI KLBC CHURCH, JIREH HALL KW ZI; LAE KHO SI X. THEW W LEO= GO., ZI; DU KW KRC HO: WU. MU.. SU BU-. KHU ZI; TSO HO: WU. MU SU-. JONG: M. M BU BE NEW. BAE; TSO.. WU: TSO.. TI.. ( 20 ) RO THAE: SI ZI; CHI L_ LO= GO KW RO: LI-SU M. PHA; (3) RO ( M. PHA NO-LE-. M. PHA NGWA. YO-SOE BE M. PHA: BY: YO-SOE) NGA MI ZI; T.. W LEO=
JAPAN KUOE; Jn: SU L,_ M T7.. JEW; NY MALAYSIA KW TY M X. PY.. SU BU(REFUGEES) A LE TSO JO TY M TAE TEW, NYI N, M-. A LEO Xn: YE J N.. K,_ M BE JAPAN MUE: KW BE MALAYSIA KW TY M X. PY.. SU TAE KHU.. RU JE: JO-. M: JO TEW, NYI L,_ M NGA LO=
KO. L,_ M 2010 KHO; THAE: THAILAND KW TY M KAREN ( Y,-K7.-L7.) X. PY.. SU (45) RO TAE JAPAN MUE: KW HO: CHI YE M NGA LO=
GO LEW NYI MALAYSIA KW TY M X. PY.. TY SU TAE NGA MI JAPAN MUE: KW BE KHU RU L.. N, M YI. CEW, JO_ LO=
YI. W: NY

4V., 20 NYI THAE: MALAYSIA KW CHI L SI 24NYI THAE: L: JE DU NGA LO=

DU-YO USA KW DO.. JE M

NYI. NYI 2013 KHO; 4V., 8 NYI THAE: PUTAO KW TY M DO-YO NY MALAYSIA KW BE USA-. TAXES KW DO.. JE W=
YI NY 2009 KHO; 7V.,THAE MALAYSIA KW CHI L SI 2009 KHO; 8V., THAE: "UN" MEI., LE M NGA LO=

SAE. YI; L PAI: YE KOE.. M

A: MI: 2013 KHO; 4 V., 7 NYI THAE: MALAYSIA KW TY M LI-SU BU,  " SAE. YI; L PAI:" TAE K, CHI CHI YE W LEO= LISU BU 300 RO THAE: SI ZI; CHI L_ LO=
ZI; DU HO: SU NY M. PHA: NO-LE NGA LO= M. MI: C.. SU NY PHILIPPINE KW Ph.D SO.. TY M M. PHA: NO-YO-YAE ( Naw Yaw Yet) NGA LO= YI NY 4 V., 3 NYI THAE: CHI L SI 7 NYI THAE: YI; JE W= YI. NY LU:-MI: NGO: KW BE C.. SI M. PHA: BY YO-SOE NY LI-SU NGO: KW BE L7. GEI: KOEO=
ZI; DU KW A.-GHA-FU ( EGG) GEI:_ M_ MI YE KOE..O=