Welcome to Lisu Myalu blog... LI-SU MY-LU KW BE HW. HW. BAE FU L,_ NGO=

Wednesday, October 21, 2015

ꓟꓸ ꓒꓽ ꓤ-ꓜꓱ-ꓒꓴ ꓕꓲꓽ ꓦꓲꓻ ꓴꓢꓮ ꓗꓪ ꓓꓳꓺ ꓙꓰ ꓟ ꓓꓳꓽ

ꓠꓬꓲꓸ ꓠꓬꓲ 2015 ꓘꓳꓼ 10 ꓦꓻ 21 ꓠꓬꓲ ꓕꓯꓽ-ꓸ ꓑꓴꓔꓮꓳ ꓗꓪ ꓔꓬˍ ꓟ ꓟꓸ ꓒꓽ ꓤ-ꓜꓱ-ꓒꓴ ꓕꓲꓽ ꓦꓲꓻ ꓠꓬ ꓟꓶ-ꓡꓯ-ꓫ ꓗꓪ ꓐꓰ ꓴꓢꓮ ꓗꓪ ꓓꓳꓺ ꓙꓰ ꓪ=
ꓟꓸ ꓒꓽ ꓤ-ꓜꓱ-ꓒꓴ ꓠꓬ 2009 ꓘꓳꓼ 10 ꓦꓻ 18 ꓠꓬꓲ ꓕꓯ ꓟꓶ-ꓡꓯ-ꓫ ꓗꓪ ꓛꓲ ꓡ ꓢꓲ꓾ 2009 ꓘꓳꓼ 11 ꓦꓻ ꓕꓯ 'ꓴꓠ' ꓟꓶꓻ ꓡꓰ ꓟ ꓥˍ ꓡꓳ= ꓬꓲꓸ ꓠꓬ ꓟꓸ ꓟꓺ ꓠ-ꓠ- ꓝꓲꓢꓧ ꓐꓰ 2010 ꓘꓳꓼ ꓕꓯꓽ ꓦꓲꓻ ꓕꓴꓽ ꓗꓷ ꓢꓲ ꓮꓸ ꓟꓲꓽ ꓠꓬꓲꓽ ꓫꓵꓸ ꓟꓶꓻ ꓡꓰ ꓟ ꓥꓳ=
ꓟꓸ ꓒꓽ ꓤ-ꓜꓱ-ꓒꓴ ꓠꓬ 2009 ꓘꓳꓼ 10 ꓦꓻ ꓗꓪ ꓐꓰ ꓪꓴꓸ ꓔꓴꓺ ꓢꓲ 2011 ꓘꓳꓼ ꓗꓪ ꓛꓲ ꓟꓶ-ꓡꓯ-ꓫ ꓡꓲ-ꓢꓴ ꓘꓴ-ꓜꓲ-ꓞꓳ ꓗꓪ ꓑꓣꓮꓲꓢꓰ & ꓪꓳꓣꓢꓧꓲꓑ ꓗꓪ ꓧꓳꓽ ꓪꓴꓸ ꓟꓴꓺ ꓗꓷꓳ= 2012 ꓘꓳꓼ ꓗꓪ ꓐꓰ 2013 ꓘꓳꓼ 3 ꓦꓻ ꓗꓪ ꓛꓲ ꓞꓳꓺ ꓡꓱꓻ ꓧꓳꓽ ꓢꓴ ꓬꓰ ꓗꓷꓳ= 2013 ꓘꓳꓼ 3 ꓦꓻ  ꓗꓪ ꓐꓰ 2015 ꓘꓳꓼ 10 ꓦꓻ 21 ꓠꓬꓲ ꓗꓪ ꓛꓲ ꓔꓳꓹ ꓙ ꓟꓸ ꓒꓽ ( ꓮꓢꓢꓲꓢꓔꓮꓠꓔ ꓑꓮꓢꓔꓳꓣ ) ꓟꓬꓱꓽ ꓟꓯꓻ ꓗꓷꓳ=
ꓬꓲꓸ ꓪ ꓠꓬꓲꓽ ꓫꓵꓸ ꓢꓴ ꓠꓬ ꓪꓴ-ꓢ ꓔꓯ ꓠꓲꓹ ꓠꓵꓻ ꓢꓴ ꓥꓻ ꓢꓲ ꓪꓴ-ꓢ ꓟꓬꓱꓽ ꓗꓪ ꓠꓲꓹ ꓡꓱꓻ ꓡꓱꓻꓼ ꓡꓰꓽ ꓢꓯꓼ ꓕꓵꓼ ꓗꓳꓸ ꓡ ꓟ ꓥꓻˍ ꓡꓳ=
ꓮ ꓟꓶꓻ ꓬꓲ ꓪꓽ ꓕꓲꓽ ꓦꓲꓻ ꓓꓳꓺ ꓙꓰˍ ꓟ ꓢꓔꓮꓔꓰ ꓠꓬ ꓟꓲꓠꓠꓰꓢꓳꓔꓔꓮ ꓗꓪ ꓥˍ ꓡꓳ=

No comments: